မည်ကဲ့သို့အဖွဲ့လိုက်ကျမ်းစာလေ့လာခြင်းအစပြုရမည်နည်း။

ထာဝရဘုရားသခင်က သင်ဖြစ်သည့်အတိုင်းရှိသည့်အတိုင်း၊ သင့်အလုပ်အကိုင်၊ နေထိုင်ရာပတ်ဝန်းကျင် နှင့် လူမှုအသိုင်းအဝိုင်း များအားဖြင့် ထာဝရအတွက်အကျိုးသတ်ရောက်မှုရှိသည်အထိ သင့်ကိုအသုံးပြုလိုသည်။ အောက်ဖော်ပြပါ အချက်(သုံး)ချက်ဖြင့် အလွယ်တကူစတင်နိုင်ပါသည်။

၁။ ဆုတောင်းပါ။

… ဆုတောင်းခြင်း၊ အချင်းချင်းမိဿဟာရဖွဲ့ခြင်းများဖြင့်စတင်သည်။

ဆုတောင်းရန်။

• အဖွဲ့လိုက်ကျမ်းစာလေ့လာခြင်းအစပြုနိုင်ရန်၊ ကူညီနိုင်မည့်သူငယ်ချင်းတစ်ယောက်ရှိလာရန်အတွက် ဆုတောင်းပါ။
• ပုံမှန်အတူတကွဆုတောင်းပါ။ ထာဝရဘုရား၏အကြံအစည်တော်နှင့်လမ်းပြပုံသိနိုင်ရန်အတွက်ဆုတောင်းပါ။
• သင့်နေရာပတ်ဝန်းကျင်တဝိုက်ကို လမ်းလျှောက်ရင်းဆုတောင်းပေးပါ။ ထာဝရဘုရား၏ကောင်းကြီးနှင့် အကွယ်အကာအတွက်ဆုတောင်းပါ။
• လူများကိုနာမည်ခေါ်ဆုတောင်းပေးပါ။ သူတို့နှင့်ဆုံတွေ့နိုင်ရန်၊ ဂရုစိုက်ခွင့်၊ အစေခံခွင့်များရရှိနိုင်ရန် ဘုရားသခင်ထံ၌ဆုတောင်းပါ။ မေတ္တာပြခြင်းသည် စိတ်နှလုံးတံခါးများကိုပွင့်စေပြီး၊ မိဿဟာရဖွဲ့စေနိုင်သည်။
• ကျမ်းစာလေ့လာဆည်းပူးချင်စိတ်နှင့်ဆာငတ်မှုရှိရန် ဆုတောင်းပေးပါ။

မိဿဟာရများ

• သင့်အနီးအနားမှာရှိသောသူများ၊ လုပ်ဖော်ဆောင်ဖက်များနှင့် တွေ့ဆုံ၊ ပေါင်းဖော်ခြင်း၊ အဆွေဖွဲ့ခြင်းများအားပြုလုပ်ပါ။ ခင်မင်ရင်းနှီးစွာဆက်ဆံပါ။ ခွန်အားပေးတက်ပါ။
• မေးခွန်းများမေးခြင်း၊ ကရုတစိုက်နားထောင်ပေးခြင်းစသည်ဖြင့် စကားဖလှယ်ခြင်းများပြုလုပ်ပါ။
• ကော်ဖီ၊ လ္ဘက်ရည်အတူသောက်ခြင်း၊ ထမင်းအတူစားခြင်း၊ စသည်ဖြင့် အတူတူအချိန်သုံးပါ။
• မေတ္တာပြခွင့်၊ စွန့်ကြဲပေးကမ်းခွင့်၊ အစေခံခွင့်များကို ရှာဖွေပါ။

၂။ ဆက်စပ်ခြင်း။

… စိတ်ပါဝင်စားသူများအားရှာပါ။

ဆုံတွေ့စည်းဝေးခြင်း စီစဉ်ပါ။

• နေ့ရက်၊ အချိန်နှင့်နေရာများအား ရွေးချယ်ပါ။
• သင်လာစေချင်သောသူများ၏အမည်များအားစုဆောင်းပါ။
• ဆုတောင်းပြီးခေါ်ဖိတ်ပါ။
• အစားအသောက်ဖြင့်ဧည့်ခံလိုလျှင်၊ ဧည့်ခံပါ။
• စကားလက်ဆုံပြောရန် မေးခွန်းများပြင်ဆင်ထားပါ။ သို့မဟုတ်၊ တစ်ယောက်နှင့်တစ်ယောက်မိတ်ဖွဲ့နိုင်ရန်အတွက် တစ်ခုခုပြင်ဆင်ပါ။

ဆုံတွေ့စည်းဝေးခြင်းလမ်းညွှန်။

• ကော်ဖီ၊ လ္ဘက်ရည်၊ အစားအစာတစ်ခုခုဖြင့် ဧည့်ခံလိုလျှင်ဧည့်ခံပါ။
• နွေးထွေးစွာကြိုဆိုပါ။ ကိုယ့်ကိုယ်ကိုယ်မိတ်ဆက်ပြီး၊ တစ်ယောက်နှင့်တစ်ယောက်ရင်းနှီးရန်အဆွေဖွဲ့ပါ။ လိုအပ်လျှင် မေးခွန်းများ (ဝါ) လုပ်ဆောင်ရန်တစ်ခုခုပြင်ဆင်ပါ။ ပြီးလျှင် တစ်ယောက်နှင့်တစ်ယောက်အဆွေဖွဲ့ခွင့်ပေးပါ။
• အားလုံးပြန်ခါနီးတွင် နှုတ်ဆက်ပါ။ ဥပမာ – ‘အားလုံးနဲ့အတူအချိန်သုံးခွင့်ရတာတကယ်ပဲဝမ်းသာပါတယ်။ ကျွန်တော်လိုချင်တာကတော့ အားလုံးအတူတူဆုံတွေ့ပြီး၊ တစ်ယောက်နဲ့တစ်ယောက်ဂရုတစိုက်ရှိမည့် မိသားစုလေး၊ အတူကျမ်းစာလေ့လာကြပြီးတော့ ဘယ်လိုခွန်အားရပြီး၊ တို့ထိခံရသလဲဆိုတာတွေနဲ့၊ ဘယ်လို လိုက်လျှောက်မလဲ ဆိုတာတွေကို လွတ်လွတ်လပ်လပ် ဝေငှနိုင်ကြမယ့် နေရာလေးကို ဖန်တီးပေးချင်တာဖြစ်တယ်။ ဒါကြောင့် တကယ်လို့ မိတ်ဆွေလည်းပါဝင်ချင်တယ်၊ စိတ်ပါဝင်စားတယ်ဆိုရင် ကျွန်တော့်ကိုကျေးဇူးပြု၍ ပြန်ပြောပြပေးပါ။’

၃။ ဦးဆောင်ပါ။

… အစပြုပါတော့။

• ကျမ်းစာသင်ခန်းစာအား ဒေါင်းလုပ်ဆွဲပြီး၊ ပါဝင်မည့်သူတိုင်းအတွက် (ဖရင့်)ထုတ်ဝေပေးပါ။
• အထက်ဖော်ပြပါသင်ခန်းစာပါ ‘ဖတ်စေလိုသောကျမ်းပိုဒ်များ’ အစု (၄) စုထဲမှ၊ တစ်စုကိုရွေးချယ်ပါ။
• ပါဝင်သူများအနေဖြင့် နေ့စဉ်ဖြေဆိုရမည့်မေးခွန်းများ၏ အဖြေများအား ချရေးရန် မှတ်စုစာအုပ်လိုအပ်လိမ့်မည်။