NOY NOY FUƊƊUGO JOŊGOORE
NDE JAŊGIRDE DEFTERE ALLAH ?

Min ɗon numa no Allah yiɗi huuwtinirgo on bee no on mba’i, no haa toy  on ngoni e haa toy kuuwoton, non boo bee taariiɓe on, ngam ɗum heɓa nafuuda duumiika.

1. TORNDE

… koo ɗume fuu ɗon fuɗɗa bee tornde e bee gondal bee yimɓe.

TORNDE
● Tore ngam soobaajo mooɗon mo tammi wallugo on  ngam fuɗɗugo joŋgoore nde jaŋgirde Deftere Allah.
● Tore hawtaade kala ndey fuu e ƴame Allah ɗowa on e waŋginana on dabare Maako.
● Tore yaake on ngaɗata jahaale nder tayre haa jaŋgirde maajum waɗete. Ƴame Allah barka Maako e aynuki Maako.
● Tore ngam yimɓe, innde bee innde. Ƴame Allah O hokka on wakkatiiji ngam fottugo bee maɓɓe, ngam on cuklana ɓe e on kuuwa ngam maɓɓe. Baŋguki yiide maɓɓitan ɓerɗe e  mawninan gondal.
● Tore ngam haa ɓe mara welwelo jaŋgirde Deftere Allah.

GONDAL
● Tore ngam wonɓe haa kommbi mooɗon e kuuwanɓe haa kommbi mooɗon, e ɓen taarotooɓe on. Laate marɓe yiide e ndokkanɓe cuusal.
● Puɗɗe ngewte – mbaɗe ƴamɗe kaannduɗe e laate heɗitooɓe.
● Caaline wakkatiiji hawtaade, ngam yarugo saa’i malla ngam nyaamdugo.
● Tefe wakkatiiji ngam waŋgingo yiide mooɗon, ngam waɗugo dokkal e huuwugo ngam maɓɓe.

2. KAWTAL

… tefe yimɓe marɓe seyo ngam maajum.

TAASKITINE KAWTAL
● Darne nyalaade, saa’a e babal haa kawtal man waɗete.
● Mbinnde inɗe yimɓe ɓe on ngeli ɓe ngara haa kawtal maajum. Tore e ewne ɓe.
● To on ngiɗi, taaske ngam hokkugo ɓe ko yare.
● Mbinnde inɗe yimɓe ngam haa on mara ngewta bee maɓɓe malla taaskitine kuugal goɗŋgal ko laarani yimɓe saare ngam kawtal mooɗon.

DEFTEL ƊOWKI KAWTAL
● To on ngiɗi, ndokke yimɓe saa’i malla ko nyaame.
● Jaɓɓe yimɓe, kolle hoore mon no on moy e koo moy holla hoore mum haa woɗɓe (mbaɗe ƴamɗe malla kuugal goɗŋgal) e ndokke wakkati haa ewnaaɓe mooɗon ngam ɓe potta hakkunde maɓɓe.
● Haa timmoode wakkati mooɗon hawtaade, foti on mbolwa huunde feere bana ni’i :
“En caalini wakkatiire wooɗnde hawtaade. Ko ngiɗmi kam, koo moy mara holɗinaare e laara mum no o ɗon nder jama’aare nde deerɗiraaɓe, haa joŋgoore bana nde’e waawa ekkitugo Deftere Allah hawtaade, faama ko nde wi’ata e ko ɗu’um man mari haaje bee meeɗen. Useni mooɗon, mbi’eɗam to on ngerdi ɗum ?”

3. DAWRAL

… jonta kam, puɗɗe

● Ngurtine diga ‘’Ordinater’’ deftel ɗowki jaŋgirde ngam haa kala koo moy fuu mara.
● Cuɓe gootel caka bakkeeje nayi (4) ɗe Mbinndi Ceniiɗi ɗi foti huuwtinireego nder deftel ɗowki jaŋgirde.
● Yimɓe wonɓe nder jaŋgirde maran haaje kaaye petel ngam haa kala koo moy fuu winnda ko winndete ngam kala asaweere fuu.