മലയാളത്തിൽ ബൈബിൾ പഠനം

നിങ്ങൾ ആരാണെങ്കിലും നിങ്ങൾ ജീവിക്കുന്ന, ജോലി ചെയ്യുന്ന സമൂഹത്തിൽ നിത്യതയുടെ വക്‌താവാകുവാൻ ദൈവം ആഗ്രഹിക്കുന്നതായി ഞങ്ങൾ വിശ്വസിക്കുന്നു. പഠന ഗ്രൂപ്പ്  ആരംഭിക്കുന്നതിന്, മൂന്ന് ലളിത ഘട്ടങ്ങൾ ഇതാ:

1. പ്രാർത്ഥന

… എല്ലാം പ്രാർത്ഥനയിലൂടെയും പരസ്പര ബന്ധങ്ങളിലൂടെയും ആരംഭിക്കുന്നു.

പ്രാർത്ഥിക്കുക

• ബൈബിൾ പഠന സംഘം ആരംഭിക്കാൻ നിങ്ങളെ സഹായിക്കുന്ന ഒരു സുഹൃത്തിനായി പ്രാർത്ഥിക്കുക.
• പതിവായി ഒരുമിച്ച് പ്രാർത്ഥിക്കുക. ദൈവത്തോട് തന്റെ പദ്ധതിയും ദിശയും ചോദിക്കുക.
• നിങ്ങളുടെ പ്രദേശത്ത് നടക്കുമ്പോൾ പ്രാർത്ഥിക്കുക. ദൈവത്തിന്റെ അനുഗ്രഹവും സംരക്ഷണവും അഭ്യർത്ഥിക്കുക.
• ആളുകളുടെ പേരെടുത്തു പ്രാർത്ഥിക്കുക. അവരെ കണ്ടുമുട്ടാനും,പരിപാലിക്കാനും, സേവിക്കാനുമുള്ള അവസരങ്ങൾക്കായി പ്രാർത്ഥിക്കുക. പരിപാലനത്തിന്റെ വഴികൾ ഹൃദയങ്ങളെ തുറക്കുകയും ബന്ധങ്ങൾ ഉണ്ടാക്കുകയും ചെയ്യുന്നു.
• അവർക്ക് ബൈബിൾ പഠിക്കാൻ താല്പര്യമുണ്ടാകുവാൻ പ്രാർത്ഥിക്കുക.

ബന്ധങ്ങൾ ഉണ്ടാക്കുക

• നിങ്ങളുടെ അടുത്ത് താമസിക്കുന്നവരെയും, ജോലിചെയ്യുന്നവരെയുമൊക്കെ കണ്ടുമുട്ടുക. അവരോട് സ്നേഹത്തോടെയും, പ്രോത്സാഹനത്തോടെയും പെരുമാറുക.
• സംഭാഷണങ്ങൾ ആരംഭിക്കുക – നല്ല ചോദ്യങ്ങൾ ചോദിക്കുക, നല്ല ശ്രോതാവായിരിക്കുക.
• ചായ, കോഫി, ഭക്ഷണം എന്നിവ കഴിച്ചു ഒരുമിച്ച് സമയം ചെലവഴിക്കുക.
• സ്നേഹിക്കാനും, സേവിക്കാനും, നല്കുവാനുമുള്ള അവസരങ്ങൾ ഉണ്ടാക്കുക.

2. പരസ്പരം ബന്ധിപ്പിക്കുക

… താൽപ്പര്യമുള്ളവരെ കണ്ടെത്തുക

ഒരു ഒത്തുചേരൽ ആസൂത്രണം ചെയ്യുക

• തീയതി, സമയം, സ്ഥലം തീരുമാനിക്കുക.
• വരാൻ ആഗ്രഹിക്കുന്ന ആളുകളുടെ ഒരു പട്ടിക തയ്യാറാക്കുക.
• പ്രാർത്ഥിക്കുകയും ക്ഷണിക്കുകയും ചെയ്യുക.
•  നിങ്ങൾ ആഗ്രഹിക്കുന്നുവെങ്കിൽ, ലഘുഭക്ഷണം നൽകാൻ പദ്ധതിയിടുക.
• സംഭാഷണത്തിനായുള്ള ചോദ്യങ്ങളുടെ ഒരു പട്ടിക തയ്യാറാക്കുക. കൂടുതൽ അടുത്ത് ഇടപെടാനുള്ള മാർഗ്ഗങ്ങൾ ആരായുക.

എങ്ങനെ കൂടണം

• ചായ, കോഫി, ലഘുഭക്ഷണം ആവശ്യമെങ്കിൽ കരുതുക
• സ്വാഗതം ചെയ്യുക, തമ്മിൽ പരിചയപ്പെടുത്തുക, കൂടുതൽ അടുക്കുവാൻ അവസരങ്ങൾ നൽകുക 
• മീറ്റിംഗ് അവസാനിക്കുമ്പോൾ ഇങ്ങനെ എന്തെങ്കിലും പറയുക ‘ നാം പരിചയപ്പെട്ടതിൽ സന്തോഷിക്കുന്നു. നമുക്ക് ഇനിയും കാണാം. ബൈബിൾ പഠിക്കുവാനും, സത്യങ്ങൾ മനസിലാക്കുവാനും   താല്പര്യമുണ്ടെങ്കിൽ അറിയിക്കുക’.

3. പഠനത്തിന് നേതൃത്വം നൽകുക

… ആരംഭിക്കുക

• എല്ലാവർക്കും പഠന സഹായിയുടെ കോപ്പി നൽകുക
• പഠന സഹായിയിലെ ഏതെങ്കിലും വേദഭാഗം തെരഞ്ഞെടുക്കുക
• ചോദ്യങ്ങൾക്ക് ഉത്തരം എഴുതുവാൻ നോട്ടുബുക്ക് കരുതുവാൻ പറയുക